ബെംഗളൂരു : മഹാദായി നദീജല പ്രശ്നം പരിഹരിക്കാൻ ഇടപെടാമെന്നു പ്രധാനമന്ത്രി നരേന്ദ്രമോദി ഉറപ്പു നൽകിയില്ലെങ്കിൽ ബെംഗളൂരു ബന്ദുമായി മുന്നോട്ടു പോകുമെന്നു കന്നഡ സംഘടനകൾ. പ്രശ്നം പരിഹരിക്കാമെന്ന ഉറപ്പ് ബിജെപി നേതാക്കൾ പ്രധാനമന്ത്രിയിൽനിന്നു വാങ്ങണമെന്നും ഇല്ലെങ്കിൽ മുൻ നിശ്ചയിച്ച പ്രകാരം ഈ മാസം നാലിനു ബന്ദ് ആചരിക്കുമെന്നും കന്നഡ ഒക്കൂട്ട നേതാവ് വട്ടാൽ നാഗരാജ് പറഞ്ഞു.
മോദി ബെംഗളൂരുവിൽ എത്തുന്ന ദിവസമായതിനാലാണ് നാലിനു ബന്ദിന് ആഹ്വാനം ചെയ്തിരിക്കുന്നത്. പാലസ് ഗ്രൗണ്ടിൽ ബിജെപിയുടെ നവകർണാടക പരിവർത്തന യാത്രയുടെ സമാപന സമ്മേളനത്തിൽ പങ്കെടുക്കാനാണ് മോദി എത്തുന്നത്. ഈ ദിവസം ബന്ദ് നടന്നാൽ രണ്ടാഴ്ചക്കിടെ രണ്ടാമത്തെ ബന്ദിനായിരിക്കും നഗരം സാക്ഷ്യം വഹിക്കുക.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക.
If you cannot read Malayalam,Download BengaluruVartha Android app from Google play store and Click On the News Reader Button.
